The Call (Short movie script):
مدام نجلاء : الو .. ؟ الو لو سمحت معلش ممكن تساعدني بعد اذنك انا اسفه جدا ادهم : اهلا يا
فندم .. خير ؟
مدام نجلاء : انا بكلم مستشفي الجلاء دلوقتي مش بيردوا كل الأرقام مقفوله ، مش عارفه اطمن علي مدحت جوزي خالص انا اسفه ، هو في الرعايه قالولي هيكون كويس ، هو الحمدلله احسن من امبارح يابني بس انا مش عارفه اطمن مبيردوش عليا
ادهم: حضرتك معاكي الارقام الارضي بس ولا الموبايل كمان ؟ مدام نجلاء : والله معرف يابني استني اشوف .. اهه معايا ٤ ارقام كلهم مش شغالين اقولهملك ؟ هو بس لو تعرف
توصلني بيه يكون كتر خيرك انا بس ولادي مسافرين كانوا ودوني انا اصلي مش بعرف اسوق
ادهم : انا مش هعرف اوصل حضرتك والله انا اسف بس ممكن مثلا تقوليلي الارقام اللي معاكي و انا اساعدك لو معايا غيرهم هما اول اتنين واحد اخره ٣٩ و التاني ٤٠ تمام ؟ و الارضي ٣٨٢٩٩٣ و ٣٩٢٩٣٣ تمام ؟
مدام نجلاء : اه يا حبيبي هما دول ممكن ونبي تكلمهملي انا اسفه جدا والله مبيردوش انا خايفه ادهم : بصي انا مش هعرف اكلمهم بس انا هفهمك علي حاجه ، ممكن مثلا يكون السيستم واقع او كده
مدام نجلاء : لا يعني ايه بعد الشر مينفعش ده ف العنايه المركزه متقولش كده ، انا خايفه اوي * بتعيط * اصل المستشفي دي تبع الجيش ، يكونوا الاخوان عملوا فيها مشاكل و محدش عارف و قطعوا
الكهرباء بعد الشر. انا والله شفته امبارح كان تمام. الحمدلله الحمدلله سامح مكانش ينفع يسافر ، كان لازم يمد الاجازه بتاعته بس هو مكانش يعرف يابني ، انا ماليش غيره ف الدنيا والله ونبي ادعيله ، انا من ساعه ما بابايه اتوفي و هو كل حاجه
ادهم : لا والله اهدي حضرتك المستشفيات والله فيها مولدات احتياطي مش هيحصل حاجه ف الكهرباء و الاخوان مينفعش ييجوا جنبها والله بالعكس دي بتكون متأمنه جدا
مدام نجلاء : طب انا اعمل ايه دلوفتي * بتعيط* ونبي يابني ماتقفل انا لازم اطمن عليه
ادهم : معاكي .. *بيبص لدبلته و بيحركها.* مدام نجلاء : *بتعيط * الحمدلله يابني هو اللي باقيلي و دايما جنبي و كل حاجه في الدنيا بتروح و الفلوس و
حتي العيال ليهم دنيتهم و هو اللي باقيلي.
ادهم : فاهم
مدام نجلاء : ربنا يزيح عنه يارب امين.
ادهم : آمين، حضرتك بس متقلقيش كله هيكون تمام اهدي بس ، ايه رأيك نجرب نتصل بيهم تاني ؟
مدام نجلاء : حاضر يابني ربنا يجازيك خير انا هعمل كده .. انا اسفه جدا جدا و شكرا جدا
ادهم : ولا يهم حضرتك بس متقلقيش
.. * بتتصل و مبيردوش تاني ، بتتصل بدليل التليفونات تاني و بيرد حد تاني *
مدام نجلاء : الو ؟ لو سمحت يابني هو انت اللي رديت عليا من شويه ؟ عامر : لا يا فندم انا اول مره اكون مع حضرتك اهو اتشرف بيكي
مدام نجلاء : انا مدحت جوزي تعبان ف المستشفي يا حبيبي و اتصلت كتير مش بيردوا في العنايه ، هو الحمدلله كان كويس النهارده و شالوله التنفس الصناعي ، بس انا يا حبيبي خايفه علشان المستشفي دي تبع الجيش خايفه الاخوان يكونا عملوا حاجه وحشه
..
* ادهم بيخرج و يكلم خطيبته و هو مروح * ادهم : لسه صاحيه ؟ مني : اه .. بس غريبه يعني انك كلمتني و انت مروح مش عادتك .. ادهم : وحشتيني ..
Illusion (Short Movie Script)
